ڈسکہ (نامہ نگار/نمائندہ خصوصی) دیرینہ دشمنی پر 3حقیقی بھائی قتل جبکہ باپ شدید زخمی ہو گیا۔ حالت تشویشناک ہونے پر گوجرانوالہ ریفر کردیاگیا۔ ڈسکہ کے نواحی گائوں قلعہ ٹیک سنگھ کے احسان اللہ کی اپنے گائوںا کے الطاف وغیرہ کیساتھ دیرینہ دشمنی چلی آرہی تھی۔ احسان اللہ اپنے تین بیٹوں 35سالہ شاکر‘ 33سالہ عامر اور 24سالہ ارسلان کے ہمراہ ڈیرہ پر موجود تھا کہ اسی دوران ان کے مخالفین ڈیرہ پر گھس آئے اور آتے ہی باپ بیٹوں پر فائرنگ اور تیز دھار آلہ سے حملہ کردیا جس کے نتیجہ میں تین حقیقی بھائی شاکر‘ عامر اور ارسلان موقع پر ہی دم توڑ گئے جبکہ باپ شدید زخمی ہوگیا جس کو طبی امداد کیلئے سول ہسپتال لایا گیا جہاں پر اس کی حالت تشویشناک ہونے پرگوجرانوالہ ریفر کردیا گیا ہے۔