لاہور(نیوزرپورٹر)لاہور الیکٹرک سپلائی کمپنی (لیسکو) کے چیف ایگزیکٹو مجاہد پرویز چٹھہ نے قرطبہ گرڈ سٹیشن پر جی ایس او کمپلیکس سنٹرکا افتتاح کیا۔کسٹمر سروسز ڈائریکٹر چوہدری بشیر ، ڈائریکٹر ایچ آر آضیہ شعیب ، ایڈیشنل چیف انجینئر  جی ایس او رانا اشتیاق ، ڈپٹی ڈائریکٹر ٹریننگ اختر حسین بھٹی اور ڈپٹی ڈائریکٹر ٹیکنیکل جی ایس او محمد عبداللہ بھی چیف لیسکو کے ہمراہ تھے ۔چیف ایگزیکٹو نے جی ایس او کمپلیکس سنٹر کا دورہ کیا جہاں انہیں کمپلیکس سنٹر سے متعلق بریفنگ دی گئی۔لیسکو چیف نے ڈپٹی منیجر ٹریننگ اختر حسین بھٹی کی کاوشوں کو سراہا ساتھ ہی ساتھ ایڈیشنل چیف انجینئر جی ایس او رانا اشتیاق کی محنت کو بھی سراہا۔ ان کا کہنا تھا کہ اس نئے ٹریننگ سنٹر کے بننے کی وجہ سے جی ایس او سرکل کو بہت فائدہ حاصل ہو گا جی ایس او سٹاف کو ٹریننگ کے حوالے سے تمام سہولیات اب لیسکو ٹریننگ سینٹر میں فراہم کی جائیں گی۔ چیف ایگزیکٹو مجاہد پرویز چٹھہ کا کہنا ہے کہ ہمارا مقصد اپنے ایمپلائز کو معیاری سہولیات فراہم کرنا ہے۔