کنٹرول لائن بھارتی فوج کی شدید گولہ باری، کئی مکانات کو نقصان، پاکستان کی جوابی کارروائی
تتہ پانی (نامہ نگار) لائن آف کنٹرول پر تتہ پانی درہ شیر خان سہڑہ سیکٹرز میں بھارتی فوج کی دوبارہ بلااشتعال شدید گولہ باری‘ متعدد رہائشی مکانات متاثر ہوئے تاہم مکین کسی جانی نقصان سے محفوظ رہے پاک فوج کی جانب سے بھرپور جوابی کارروائی کی گئی۔ تفصیلات کے مطابق لائن آف کنٹرول پر تتہ پانی درہ شیر خان سہڑا سیکٹرز میں ہفتہ کے روز علی الصبح اچانک دوبارہ شدید گولہ باری شروع کر دی اور ہیوی گنوں سے ان سیکٹرز کے سویلین آبادی کے علاقوں کو نشانہ بنایا جس کے نتیجہ میں متعدد رہائشی مکانات سے متاثر ہوئے تاہم مکین کسی جانی نقصان سے محفوظ رہے قبرستان میں گولہ گرنے سے متعدد قبروں کو نقصان پہنچنے کی اطلاع موصول ہوئی ہے پاک فوج کی جانب سے بھرپور جوابی کارروائی کی گئی۔
