لاہور (نوائے وقت رپورٹ) ریحام خان نے سوشل میڈیا پر بہترین وزیراعلیٰ کون؟ کے حوالے سے پول کردیا۔ پول میں وزیراعلیٰ پنجاب عثمان بزدار نے سب سے زیادہ ووٹ حاصل کئے ۔ ترجمان پنجاب حکومت کے مطابق 62.2 فیصد لوگوں نے وزیراعلیٰ عثمان بزدار کی کارکردگی کو بہترین قرار دیا۔ دوسرے نمبر پر وزیراعلیٰ سندھ مراد علی شاہ کو 26.4 فیصد ووٹ ملے وزیراعلیٰ خیبر پی کے محمود خان 8.9 فیصد ووٹوں کے ساتھ تیسرے اور وزیراعلیٰ بلوچستان جام کمال 2.5 فیصد ووٹوں کے ساتھ چوتھے نمبر پر رہے پول کے نتائج وزیراعلیٰ عثمان بزدار کی عوام دوست اور بہترین کارکردگی کا منہ بولتا ثبوت ہیں۔