گوجرانوالہ: صدارتی ایوارڈ یافتہ قوال اختر شریف کا دل کا دورہ پڑنے سے انتقال، سپردخاک
گوجرانوالہ (نمائندہ خصوصی)صدارتی ایوارڈ یافتہ اور پاکستان کے معروف قوال اختر شریف اروپ والے دل کا دورہ پڑنے سے انتقال کر گئے ۔مرحوم استاد صابر قوال کے بڑے بھائی اور امجد قوال سرمد قوال کے والد تھے۔ وہ داتا صاحب اور پیر خواجہ برکت علی کے درباری قوال بھی تھے ۔مرحوم یورپ انڈیا اور دیگر متعدد ممالک کے علاوہ مراکش کے صدر ہاوس میں بھی متعدد بار اپنے فن کا مظاہرہ کرتے رہے۔ نماز جنازہ میں مختلف شعبوں سے تعلق رکھنے والے افراد کی بڑی تعداد نے شرکت کی اور بعد ازاں مرحوم کو صوفی بزرگ پیر خواجہ برکت علی کے پہلو میں سپرد خاک کر دیا گیا ۔
