شیخوپورہ: نوجوان پر تشدد‘ ویڈیو وائرل ہونے پر 3 ملزم گرفتار
شیخوپورہ (نمائندہ خصوصی) نواحی گاؤں پڈھیانوالہ میں نوجوان کو تشدد کا نشانہ بنانے کی ویڈیو سوشل میڈیا پر وائرل ہونے کے بعد صدر فاروق آباد پولیس نے ڈی پی او غلام مبشر میکن کی ہدایت پر کارروائی کرتے ہوئے تشدد کرنے والے 3 افراد کو گرفتار کر لیا۔ پولیس کے ذرائع کے مطابق گاؤں میں ایک نوجوان دینی مدرسہ اور یتیم بچیوں کی شادی کروانے کے نام پر لوگوں سے رقوم بٹورنے کی خاطر آیا جس کو شک گزرنے پر لوگوں نے پکڑ لیا اور 3 ملزمان نے اسے پلاسٹک کے پائپ سے الٹا لٹکا کر تشدد کا نشانہ بنایا جس پر تشدد کی ویڈیو اسی گاؤں کے نوجوان نے بنا کر وائرل کر دی تھی۔
