گوجرانوالہ(نمائندہ خصوصی) پہلے ایف بی آر کرکٹ ٹورنامنٹ کا بارہواں میچ گوجرانوالہ اور راولپنڈی کے درمیان کھیلا گیا‘ ایف بی آر راولپنڈی نے 17 اوورز میں76 رنز بنائے ۔کپتان سہیل انجم نے تین وکٹیں‘ محمد اویس نے تین‘ محمد وقار اور فیصل بٹ نے دو دو وکٹیں حاصل کیں۔ ایف بی آر گوجرانوالہ نے ہدف تین وکٹوں پر 11ویں اوور میں حاصل کرلیا۔ ثاقب نے دو اور اصغر رانجھا نے ایک وکٹ حاصل کی۔ سہیل انجم کو تین وکٹ حاصل کرنے اور35 رنز بنانے پر مہمان خصوصی عبدالسلیم طارق بٹ ان لینڈ ریونیو آفیسر نے مین آف دی میچ ٹرافی دی۔ راولپنڈی ٹیم کے کپتان وجاہت ملک کو رنر اپ ٹرافی دی گئی‘ کھلاڑی محمد اویس کواعزازی انعام دیاگیا۔