اسلام آباد (نیوز رپورٹر) حریت رہنما یاسین ملک کی اہلیہ مشعال ملک نے کہا ہے کہ لائن آف کنٹرول پر بھارتی بربریت انتہائی افسوس ناک ہے۔ بھارتی فورسز اپنی خفت مٹانے کیلئے لائن آف کنٹرول پر بلاجواز فائرنگ کر رہا ہے۔ لائن آف کنٹرول پر بھارتی اشتعال انگیزی کی جتنی مذمت کی جائے کم ہے۔ بھارتی فائرنگ سے نیلم اور لیپہ میں بڑے پیمانے پر جانی و مالی نقصان ہوا ہے۔ مشعال ملک نے کہا کہ لائن آف کنٹرول پر سول آبادی پر بھارتی فائرنگ کھلی دہشت گردی ہے۔