گنتی مکملِ جوبائیڈن 306، ٹرمپ کے 232 الیکٹورل ووٹ، تمام ریاستوں کے غیر سرکاری نتائج
واشنگٹن (آن لائن) امریکا میں ووٹوں کی گنتی مکمل ہوگئی جس کے بعد تمام ریاستوں کا غیر سرکاری نتیجہ جاری کر دیا گیا ہے۔ ڈیموکریٹک پارٹی کے صدارتی امیدوار جوبائیڈن نے واضح کامیابی حاصل کر لی ہے۔ جو بائیڈن کے الیکٹورل ووٹس کی تعداد 306 ہے جب کہ ڈونلڈ ٹرمپ صرف 232 ووٹ حاصل کر سکے۔ انتخابات کے بعد پہلی بار وائٹ ہاؤس میں پریس بریفنگ کے دوران امریکی صدر نے اپنی شکست تقریباً تسلیم کر لی ہے۔ دوسری جانب جو بائیڈن انتظامیہ نے اشارہ دیا۔ اقتدار کی منتقلی کے بعد کرونا وائرس کی بگڑتی صورتحال کے باعث ملک میں 6 ہفتے کے لئے لاک ڈاؤن لگایا جا سکتا ہے۔
