لاہور(نامہ نگار)ڈی آئی جی آپریشنز لاہوراشفاق خان نے کہا ہے کہ شہریوں کو پولیس سہولیات کی فراہمی کیلئے تمام دستیاب وسائل بروئے کار لائے جارہے ہیں۔شہری شیڈول کے مطابق مخصوص مقام اور مقررہ اوقات میں استفادہ کریں۔رواں ہفتے کے دوران موبائل پولیس خدمت مرکز بروزپیر سبزہ زار، منگل وبدھ پیراگون سٹی، جمعرا ت گجرپورہ،بروز جمعہ اور ہفتہ رائیونڈ سٹی موجود ہوگا۔ ڈی آئی جی آپریشنزاشفاق خان نے کہا کہ موبائل پولیس خدمت مرکزکا عملہ شہریوں سے خوش اخلاقی سے پیش آئے اورآسانیاں پیدا کریں۔ کریکٹر سرٹیفکیٹس، ایم ایل سی، کرایہ دار رجسٹریشن، ایف آئی آر کی نقول سمیت 14 سہولیات فراہم کی جارہی ہیں۔