قصور (نمائندہ نوائے وقت) قصور اور نواح میں آسمانی بجلی گرنے سے دو افراد زندگی کی بازی ہار گئے۔ سرحدی گاؤں چھبر میں چالیس سالہ محمد شریف اپنے کھیتوں میں موجود تھا کہ اچانک اس پر آسمانی بجلی گر گئی جس سے محمد شریف آسمانی بجلی گرنے سے بری طرح جھلس گیا اور موقع پر ہی اپنی زندگی کی بازی ہار گیا۔ جبکہ سرائے مغل کے علاقہ چک46 بلیر میں تیس سالہ عدیل عمر جو کہ ایک سکول ٹیچر بھی ہے۔ گزشتہ روز اپنے کھیتوں میں موجود تھا کہ اچانک اس پر آسمانی بجلی گر گئی جس سے اسکی موقع پر ہی موت واقع ہوگئی۔ اسکے ورثاء میں کہرام مچ گیا۔