فیروزوالا، شاہ کوٹ، وہاڑی (نامہ نگاران) وہاڑی میں مدرسے کے 9 سالہ طالب علم سے استاد سمیت 3 افراد کی 3 دن تک مبینہ زیادتی، ملزم بچے کو کاٹتے بھی رہے۔ فیروز والا میں نوعمر لڑکے، شاہ کوٹ میں معذور کو نشانہ بنایا گیا۔ وہاڑی سے نامہ نگار کے مطابق نواحی چک نمبر37 ڈبلیو بی کے رہائشی مدرسہ کے استاد کی  ساتھیوں کے ہمراہ 9 سالہ کم سن طالب علم کے ساتھ مبینہ زیادتی، ملزم معصوم بچے کو دانتوں سے کاٹتے رہے۔ مدرسہ کا استاد فرحان اور ساتھی وقاص اور یاسر 9 سالہ بچے کو مبینہ طور پر 3 دن اجتماعی درندگی کا نشانہ بناتے رہے۔ چوتھے روز معصوم نے مکئی کی فصل میں چھپ کر رات گزاری۔ والدین کو معلومات ملنے پر انہوں نے پولیس تھانہ صدر میں درخواست دی جس پر پولیس نے مقدمہ درج کر کے ملزمان کی تلاش شروع کر دی ہے۔ فیروزوالا سے نامہ نگار کے مطابق نواحی بستی بوٹا پارک (فیروزوالہ) میں ملزم ساجد نے نو عمر طالب علم کو ورغلا کر  زیادتی کا نشانہ بنا ڈالا اور فرار ہو گیا۔ فیروز والہ پولیس نے مقدمہ درج کر لیا۔ شاہ کوٹ سے نامہ نگار کے مطابق نواحی گاؤں چک نمبر 82 میں اوباش نے بازو اور ٹانگ سے معذور بچے کو زبردستی زیادتی کا نشانہ بنا ڈالا اور فرار ہوگیا۔ بتایا گیا ہے 14سالہ معذور رشتہ داروں کے کیبل آفس میں بیٹھا ہو اتھا۔ آفاق نے زبردستی زیادتی کا نشانہ بنا ڈالا اور اسے بے ہوشی کی حالت میں چھوڑ کر فرار ہوگیا۔ پولیس تھانہ سٹی نے ملزم کے خلاف مقدمہ درج کر لیا ہے۔