قصور (نمائندہ نوائے وقت) قصور کے نواحی گاؤں بھوجہ میں فٹ بال کھیلنے پربااثر افراد نے 13سالہ بچے کو تشدد کا نشانہ بنانے کے بعد برہنہ کرکے گھسیٹتے رہے، بچہ بے ہوش ہوگیا۔ نواحی گاؤں بھوجہ میں پرویز اختر کا بھتیجا 13سالہ دانش فٹبال کھیل رہا تھا کہ ملزمان عاصم، انیس، عمیر چار کس  نامعلوم افراد نے اسے تشدد کا نشانہ بنانا شروع کر دیا سر پر پستول کے بٹ اور اینٹ کے وار کئے جس سے بچہ لہولہان ہوکر بیہوش ہوگیا، ملزمان نے ہوائی فائرنگ کے بعد بیہوش بچے کو برہنہ کرکے زمین پر گھسیٹے رہے، اہل علاقہ کی منت سماجت کرنے پر ملزمان موقع سے فرار ہوگئے۔