لاہور(سپورٹس ڈیسک )مکسڈ مارشل آرٹس میں ناقابل شکست رہنے والے 32سالہ لائٹ ویٹ ورلڈ چیمپئن خبیب نورماگومیدوف نے کہاہے کہ وہ اب دوبارہ باکسنگ کی دنیا میں نہیں آئیں گے بلکہ بھیڑ بکریاں پالیں گے‘ میں سیاست میں آنے سے متعلق دلچسپی نہیں رکھتا۔ انہیں لگتا ہے کہ سیاست میں جانے کی ابھی عمر نہیں۔ اگرچہ میں نے رنگ کو خیر باد کہہ دیا ہے اور ایم ایم اے سے بھی علیحدگی اختیار کر لی ہے مگر یہ پیسہ اور شہرت بار بار آپ کو اپنی طرف کھینچتے ہیں۔میں اس حوالے سے ڈٹا ہوا ہوں اور اپنے فیصلے پر نظرثانی بھی نہیں کرنا چاہتا کہ میں رنگ میں کبھی واپس جائوں گا۔ ابھی نوجوان ہوں اور یونیورسٹی میں تعلیم حاصل کررہا ہوں جب تعلیم مکمل ہو گی تو میں سوچوں گا کہ پیشہ ورانہ زندگی میں مجھے کیا کرنا ہے۔ گائوں کے لوگوں کے مسائل حل کرنے کیلئے کچھ کرونگا۔