لاہور(سپورٹس رپورٹر) چوتھی شہریار ملک میوریل گراس کورٹ ٹینس چیمپئن شپ 2020ء مردوں میں عقیل خان جبکہ خواتین میں اوشنا سہیل نے ٹائٹل جیت لیا۔ پنجاب لان ٹینس اکیڈمی باغ جناح میں چیمپئن شپ میں مردوں کا فائنل عقیل خان اور مزمل مرتضٰی کے درمیان کھیلا گیا۔ عقیل خان نے 6-0 اور 6-2 سے کامیابی اپنے نام کی۔ لیڈیز سنگلز میں اوشنا سہیل نے حریف سارہ محبوب کو 6-0 اور 6-2 سے مات دیکر ٹائٹل اپنے نام کیا۔ بوائز انڈر 14 میں محمد شعیب۔ بوائز اینڈ گرلز انڈر 12 میں احتشام ہمایوں۔ انڈر 10 میں حمزہ علی رضوان نے ٹائٹل اپنے نام کیا۔ مہمان خصوصی چیئرمین واپڈا لیفٹیننٹ جنرل (ر) مزمل حسین نے کھلاڑیوں میں انعامات تقسیم کیے۔