لاہور(سپورٹس رپورٹر) پاکستان کراٹے فیڈریشن کے انتخابات میں آئندہ چار برس کیلئے محمد جہانگیر کو چیئرمین، احمد بیگ کو صدر اور عندلیب سندھو کو سیکرٹری جنرل منتخب کرلیا گیا ہے پاکستان کراٹے فیڈریشن کی جنرل کونسل کی میٹنگ لاہور میں ہوئی جس میں پاکستان کراٹے فیڈریشن سے منسلک تمام ادارے واپڈا، آرمی، ریلوے، پولیس، بلوچستان، سندھ، پنجاب، کے پی اور اسلام آباد نے حصہ لیا۔ اجلاس میں اگلے چار سالوں کے لیے عہدیداروں کا انتخاب کیا گیا۔ محمد جہانگیر چیئرمین، احمد بیگ صدر، عندلیب سندھو جنرل سیکرٹری اور خالد نور خزانچی منتخب ہوئے، اس کے علاؤہ سینئر نائب صدر نسیم قریشی، نائب صدور میں صباحت رفیق، میجر فیصل سلیم بٹ، فرمان احمد اور اعجاز الحق، لیڈی وائس پریزیڈنٹ ڈاکٹر قراۃ العین، ایسوسی ایٹ سیکرٹریز محمد ندیم اور بابر اقبال، لیڈی ایسوسی ایٹ سیکرٹری عظمیٰ اصغر منتخب ہو گئیں جبکہ ایگزیکٹو کمیٹی کے ممبران میں خورشید خان، عبدالحمید، عطا حسین بٹ، ممتاز شاہ اور قراۃ العین شامل ہیں۔