میاں چنوں (نمائندہ نوائے وقت )ملک کو درپیش چیلنجز سے نمٹنے کے لیے میاں محمد نواز شریف جیسے محب وطن اور بہادر لیڈر کی قیادت ضروری ہے.ووٹ کااحترام جمہوریت کی روح ہے جسے پاکستان میں کچل دیا جاتا ہے تمام ادارے اپنی حدود میں رہ کر کام کریں تو ملک تیزی سے ترقی کر سکتا ہے مسلم لیگ کے تمام ونگز کو فعال کیا جا ریا ہے سوشل میڈیا کے دور میں اسی پلیٹ فارم کا موثر استعمال وقت کی اہم ضرورت ہے ان خیالات کا اظہار مسلم لیگ ن کے مرکزی جنرل سیکرٹری احسن اقبال نے پنجاب بھر کے اضلاع سے پارٹی کی طرف سے منتخب کیے گئے ضلعی سیکرٹری انفارمیشن کو نوٹیفیکشن دیئے جانے کی تقریب  سے کیا. تقریب کا اہتمام پارٹی کی صوبائی ترجمان عظمی بخاری نے پارٹی کے مرکزی سیکرٹریٹ 180/ایچ ماڈل ٹاون لاہور میں کیا. مہمان خصوصی رانا ثناء اللہ خاں صدر مسلم لیگ ن پنجاب نے نومنتخب عہدیداران کو مبارکباد دیتے ہوئے توقع ظاہر کی کہ پارٹی اور قائدین کے موقف کو بھر پور انداز میں پیش کرنے کے لیے نو منتخب ٹیم (سیکرٹری انفارمینش) شب و روز ایک کر دیں گے مسلم لیگ ن کے ڈویڑنل صدر عبدالرحمان خان کانجو اور ڈویڑنل جنرل سیکرٹری شیخ طارق نے شبیر ساقی کو مبارکباد دیتے ہوئے ان کی پارٹی خدمات کو سراہا