لاہور (وقائع نگار خصوصی) بہاولپور ریاست کے نواب صادق عباسی کے دور میں بنائی گئی کشتی کے تحفظ کیلئے لاہور ہائیکورٹ سے رجوع کر لیا گیا ہے۔ جوڈیشل ایکٹو ازم پینل نے لاہور ہائیکورٹ میں ایک درخواست دائر کی ہے جس میں نشاندہی کی گئی کہ نواب صادق عباسی نے انڈس کوئن کے نام سے کشتی تیار کرائی اور یہ کشتی ستلج دریا کو پار کرنے کیلئے تیار کی گئی۔ درخواست گزار وکیل کے مطابق انڈس کوئن طویل عرصہ استعمال میں رہی لیکن اب اس ورثے کی حفاظت نہیں کی جا رہی۔