لاہور (نوائے وقت رپورٹ) مسلم لیگ (ن) کی رہنما مریم نوازشریف نے کہا ہے کہ جیل میں تھی تو مجھے چوہوں کا بچا ہوا کھانا کھلایا جاتا تھا، مجھے تھائی رائیڈ کا مسئلہ تھا جہاں مجھے ادویات بھی صحیح نہیں دی جاتی تھیں، میں جیل میں فنگس زدہ ادویات کھانے پر مجبور تھی۔ نوازشریف کو میں نے ہی وطن واپس آنے سے منع کیا ہے۔ وزیراعظم کے معاون خصوصی شہبازگل نے مریم نواز کے بیان پر ردعمل دیتے ہوئے کہا کہ چوہے بہت شریف تھے جو مسلم لیگ (ن) کی رہنما کیلئے کھانا چھوڑ دیتے تھے۔ انہوں نے کا کہ مریم نواز کیلئے کھانا انکے گھر سے آتا تھا۔