تلہ گنگ: بس کی موٹرسائیکل کو ٹکر‘ 2 خواتین سمیت 3 جاں بحق
میانوالی/ تلہ گنگ (نامہ نگاران ) تلہ گنگ میانوالی روڈ پر میال چوکی کے قریب ٹریفک حادثہ میں تین افراد جاں بحق ہو گئے ۔ پنڈی گھیب سے کراچی جانے والی مسافر بس نے پولیس چوکی میال کے قریب موٹرسائیکل کو ٹکر مار دی جس کے نتیجے میں ایک مرد اور دو خواتین موقع پر جاں بحق ہو گئے ۔ 42 سالہ موٹرسائیکل سوار عالم خان رابعہ اور رخسانہ کی میتیں ہسپتال پہنچائی گئیں۔ پولیس نے بس ڈرائیور کو گرفتار کرکے مقدمہ درج کر لیا۔
