اداکارہ سجل علی نے انٹرنیشنل عرب ایوارڈ حاصل کرلیا
دبئی (نوائے وقت رپورٹ) رواں سال کا چوتھا سالانہ ڈسٹنکٹو انٹرنیشنل عرب فیسٹیول ایوارڈ (ڈیفا) پاکستانی اداکارہ سجل علی نے اپنے نام کرنے کا اعزاز حاصل کر لیا۔ رواں سال فیسٹیول کی رنگا رنگ تقریب کا انعقاد متحدہ عرب امارات کی ریاست دبئی کے دی پوائنٹ جمیرہ میں ہوا۔ سالانہ ڈیفا ایوارڈز بین الاقوامی اور عرب شخصیات کو ان کی کامیابیوں اور معاشرے کی بہتری کے لیے تعاون کرنے پر انہیں اعزاز کے طور پر دیا جاتا ہے۔ اداکارہ سجل نے ایوارڈ کے ساتھ تصویر شیئر کی اور کہا کہ یہ ایوارڈ میرے قابل فخر پاکستانی ہونے کی حیثیت سے بھی خاص ہے۔
