7 افسروں کے تبادلے، انعام وحید آر پی او شیخوپورہ، شارق جمال ڈی آئی جی انویسٹی گیشن لاہور تعینات
لاہور(سپیشل رپورٹر) پنجاب حکومت نے محکمہ پولیس میں پولیس سروس گریڈ 20 کے ڈی آئی جی عہدہ کے 7 افسران کے تقروتبادلے کے احکام جاری کئے ہیں۔ ڈی آئی جی انوسٹی گیشن لاہور شہزادہ سلطان کو تبدیل کر کے کمانڈنٹ پولیس ٹریننگ کالج چوہنگ جبکہ ڈی آئی جی ٹیلی کمیونیکیشن اینڈ ٹرانسپورٹ شارق جمال کو تبدیل کر کے ڈی آئی جی انویسٹی گیشن لاہور تعینات کیا گیا ہے۔ احمد ارسلان ملک کو ڈی آئی جی ٹیلی کمیونیکشن اینڈ ٹرانسپورٹ پنجاب سٹی پولیس آفیسر ملتان حسن رضا خان کو تبدیل کر کے ڈی آئی جی سکیورٹی ڈویژن لاہور اور یہاں پر تعینات ڈی آئی جی محبوب راشد میاں کو تبدیل کر کے سٹی پولیس آفیسر ملتان تعینات کیا گیا ہے۔ آر پی او شیخوپورہ ریجن ڈی آئی جی شاہد جاوید کو تبدیل کر کے ڈی آئی جی ریسرچ اینڈ ڈویلپمنٹ جبکہ ڈپٹی کمانڈنٹ پنجاب کانسٹیبلری ڈاکٹر انعام وحید کو تبدیل کر کے آر پی او شیخوپورہ تعینات کیا گیا ہے۔
