کراچی (نوائے وقت رپورٹ) شہر کے مختلف علاقوں میں خاتون سمیت 5 افراد پراسرار طور پر ہلاک ہو گئے۔ نیو کراچی سیکٹر فائیو جے میں گھر کے اندر سے خاتون کی 3 روز پرانی لاش ملی۔ جس کی عمر بھی تقریباً 60 برس معلوم ہوتی ہے۔ سرجانی ٹاؤن کے علاقے یوسف گوٹھ میں نور اسلام مسجد کے قریب گھر سے 30 سالہ امجد کی لاش ملی۔ پولیس کے مطابق متوفی کے جسم پر کسی قسم کے تشدد یا فائرنگ کے نشانات نہیں ہیں، موت طبعی طور پر واقع ہوئی ہے۔ عزیز آباد کے علاقے میں قائم ٹبہ ہارٹ ہسپتال کے قریب سے ایک شخص کی لاش ملی۔ حلیے سے وہ نشے کا عادی معلوم ہوتا ہے۔ کینٹ سٹیشن کے اندر سے ایک شخص کی لاش ملی۔ جس کی عمر تقریباً 85 برس تھی، فوری طور پر موت کی وجہ معلوم نہیںہو سکی۔