شیخوپورہ/نواںکوٹ /بھکھی/فیروزوٹواں (نمائندہ خصوصی/ نامہ نگاران) تھانہ بھکھی کے علاقہ فیروزوٹواں ،ایم جی ایم فیکٹری کے قریب مبینہ پولیس مقابلہ میں ایک ڈاکو ہلاک جبکہ اس کے دو ساتھی فرار ہونے میں کامیاب ہوگئے ۔ تھانہ بھکھی کے ایس ایچ او محمد اعظم  گشت پر تھے کہ مذکورہ علاقہ کے قریب اسحاق عرف ڈان اور اسکے دوساتھی ناکہ لگا کر راہگیروں کو لوٹ رہے تھے کہ اس پولیس وین کو دیکھتے ہی انہوں نے فائرنگ شروع کردی ۔ جوابی فائرنگ سے اسحق عرف ڈان ہلاک جبکہ اس کے دوساتھی فرار ہونے میں کامیاب ہوگئے ۔