لائف ہسپتال مراکہ میں مریضوں ‘ لواحقین کیلئے مفت کھانے کا افتتاح
لاہور (پ ر)لائف ہسپتال لاہور پریس کلب کے ممبران اور فیملی کو بھی مفت علاج کی سہولیات دے رہا ہے۔ صدر ارشد انصاری لاہور پریس کلب نے گزشتہ روز لائف ہسپتال موضع مراکہ میں دیگر ممبران کے ساتھ مریضوں اور لواحقین کے لیے مفت کھانے کی سہولت کا افتتاح کیا۔ اس موقع پر تقریب سے خطاب کرتے ہوئے ارشد انصاری نے کہا کہ میں لائف ہسپتال آنے پر فخر محسوس کر رہا ہوں۔ لائف ہسپتال میں ڈائیلسس، گائنی اور آنکھوں کے مریضوں کا مفت علاج کیا جا رہا ہے۔ لاہور پریس کلب کے ممبران و فیملی کو بھی مفت علاج کی سہولیات دی جا رہی ہیں۔ لائف ہسپتال میں کینسر کے مریضوں کو بھی انصاف کارڈ سے علاج کی سہولت میسر ہے۔ سینئر وائس پریزڈنٹ لائف ہسپتال میاں ریاض احمد، جوائنٹ سیکرٹری لائف ہسپتال ناصر سہگل ایم ایس ڈاکٹر ایوب زاہد، مارکیٹنگ مینجر زیشان صدیق نے صدر پریس کلب ارشد انصاری، ممبر گورننگ باڈی عمران شیخ و دیگر عہداداران کا استقبال کیا گیا۔ معزز مہمانوں کو یادگاری شیلڈ بھی دی گئی۔
