گجرات: 12 سالہ لڑکی کی شادی پر پولیس کا چھاپہ‘ نوجوان دولہا‘ باپ سمیت 4 افراد گرفتار
گجرات (نامہ نگار) پولیس نے کم سن لڑکی سے شادی ناکام بنا دی۔ شادی کی تقریب رکوا دی۔ تفصیلات کے مطابق 12سالہ لڑکی کی شادی کی کوشش پر دولہا، باپ، رشتے داروں سمیت گرفتار کر لیا۔ تھانہ لاری اڈا پولیس نے گڑھی احمد آباد میں 12سالہ لڑکی کی شادی کی اطلاع پر شادی کی تقریب میں چھاپہ مار کر لڑکے کے والد شفیق سرور سکنہ گڑھی احمد، دولہا حسن شہزاد اور رشتے داروں سجاد، محسن علی ساکنائے محلہ چاہ ترہنگ کو گرفتار کر کے تقریب رکوا دی اور ملزمان کیخلاف چائلڈ میرج ایکٹ کے تحت مقدمہ درج کر لیا۔
