لاہور(سپورٹس رپورٹر) ہمدان پولو کپ برائے لاہور اوپن پولو چیمپئن شپ 2020ء آج سے شروع ہو گی۔  9 ٹیمیں شریک ہیں جنہیں دو پولز میں تقسیم کیا گیا ہے۔ پول اے میں پرائس میٹر ڈاٹ پی کے /کالا باغ پولو، امپریل ہائیڈروپونکس، اے او ایس اور ماسٹر پینٹس جبکہ پول بی میں ری ماونٹس، باڑیز، ڈائمنڈ پینٹس /ایف جی پولو، نیوایج اور منوں پولوکی ٹیمیں شامل ہیں۔ بروز منگل 8 دسمبر کو نیوایج کا مقابلہ منوں پولو سے جبکہ امپریل ہائیڈروپونکس کا مقابلہ ماسٹر پینٹس سے ہوگا۔