وزیرآباد+ ڈسکہ (نامہ نگاران+ نمائندہ خصوصی) علی پور چٹھہ میں چچا کی جانب سے جائیداد میں حصہ نہ ملنے پر 65 سالہ بزرگ شہری نے دلبرداشتہ ہو کر ٹرین کے آگے کود کر خودکشی کر لی۔ گوجرانوالا کا عابد حسین گزشتہ 15 سال سے علی پور چٹھہ کے محلہ اسلام آباد میں اپنی بہن کے گھر میں رہائش پزیر تھا، جبکہ گوجرانوالہ میں وراثتی جائیداد پر اس کا چچا صابر بٹ قابض تھا اور عابد حسین کو جائیداد میں سے حصہ دینے سے قاصر تھا اسی وجہ سے وہ شدید ذہنی ڈپریشن کا شکار رہتا تھا۔ راولپنڈی سے کراچی جانے والی ٹرین پاکستان ایکسپریس کے آنے پر اچانک اس کے آگے کود گیا اور موقع پر ہی جان کی بازی ہار گیا۔ دوسری جانب ڈسکہ میں 48 سالہ شخص نے خودکشی کر لی۔ چک جمال چھپڑی چو بارہ کے صادق کی نعش پولیس نے قبضہ میں لیکر پوسٹمارٹم کیلئے سول ہسپتال پہنچا دی۔