ڈسکہ (نامہ نگار/ نمائندہ خصوصی)  مہندی کی تقریب میں ڈانس کرتی 2رقاصائیں اور دولہا کا والد ساتھیوں سمیت گرفتارکر لیا گیا۔ تھانہ موترہ پولیس کو مخبر خاص نے اطلاع دی کہ موضع کوٹلی کوکیاں میں ادریس دودھی کے بیٹے کی مہندی میں دو رقصائیں زرقہ اور رابعہ فحش گانوں پر ڈانس کررہی ہیں اور ان کیساتھ دولہا کا باپ ادریس دودھی اور ا سکے ساتھی بھی شامل ہیں۔ پولیس نے چھاپہ مارکر مہندی کی تقریب میں ڈانس کرتی دونوں رقاصائوں زرقہ ‘رابعہ اور دولہا کے باپ ادریس دودھی اور اسکے ساتھیوں یونس‘ مظفر‘ انعام کو رنگے ہاتھوں گرفتارکرکے مقدمہ درج کرلیا ہے۔