سرگودھا، دینہ، شیخوپورہ، فیروزوالا (نامہ نگاران+ نمائندہ خصوصی+ نمائندہ نوائے وقت) سرگودھا میں ٹریفک حادثہ، میاں بیوی جاں بحق جبکہ 2 بچے زخمی ہوگئے۔ جنڈانوالہ میں ریفلکٹرز نہ ہونے سے اونٹ ریڑھی میں موٹر سائیکل ٹکرانے سے اظہر مغل اور اس کی بیوی جاں بحق اور دونوں بچے زخمی ہو گئے۔ بدقسمت گھرانے کے افراد موٹر سائیکل پر اپنے رشتے داروں سے مل کر واپس آ رہے تھے۔ شیخوپور  سے نمائندہ خصوصی اور نمائندہ نوائے وقت کے مطابق تحصیل ہیڈکوارٹر ہسپتال مرید کے کے  بالمقابل جی ٹیروڈ پر ٹرک نے موٹر سائیکل کو ٹکر مار دی۔ جس کے نتیجہ میں موٹر سائیکل سوار 2  نوجوان موقع پر جاں بحق جبکہ 1 زخمی ہوگیا۔ جاں بحق ہونے والوں میںنعمان ولد ادریس 18 سال سکنہ لطیف پارک مرید کے اور حسن 19 سال سکنہ لطیف پارک مرید کے شامل ہے۔ دینہ سے نامہ نگار کے مطابق ٹرالرکھڑی بس سے جا ٹکرایا، 2 افراد جاں بحق جبکہ 18 زخمی۔ صبح 6 بجے کے قریب لاہور سے راولپنڈی جانے والی مسافروں سے بھری بس دینہ جی ٹی بوڑا جنگل پہنچی تو ٹائر پنکچر ہو گیا۔ جس پر بس ڈرائیور اپنے ساتھیوں کے ہمراہ سڑک پر ہی ٹائر بدل رہا تھا کہ اسی دوران پیچھے سے آنے والا تیز رفتار ٹرالر بارش کی پھسلن کے باعث بے قابو ہو کر بس سے جا ٹکرایا جس سے بس اُلٹ گئی اور بس کی دوسری جانب کھڑے 2 مسافر پیراں دتہ اور ایک نامعلوم شخص نیچے آگئے جس وہ موقع پر ہی جاں بحق ہو گئے۔ جبکہ 18مسافر جن میں عورتیں اور بچے بھی شامل تھے، زخمی ہو گئے۔ فیروز والا سے نامہ نگارکے مطابق سیالکوٹ  موٹروے اور کالا خطابی  روڈ پرشدید دھند کے باعث متعدد گاڑیاں آپس میں ٹکراڑ گئیں۔ جس کے نتیجہ میں چھ افراد زخمی ہوگئے۔ حادثے میں کاریں‘ ویگنیں تباہ ہوگئیں۔