لاہور، کراچی (نوائے وقت رپورٹ) کراچی کی فضائیں دوبارہ خطرناک حد تک آلودہ ہو گئیں اور رات 11 بجے دنیا کے آلودہ شہروں کی فہرست میں چوتھے نمبر پر رہا۔ کراچی آلودہ شہروں کی فہرست میں چوتھے جبکہ لاہور تیسرے نمبر پر رہا۔ کراچی کی فضاؤں میں آلودہ ذرات کی مقدار 244 اور لاہور میں 257 پر ٹیکیولیٹ میٹرز ریکارڈ کی گئی۔ دنیا کے آلودہ شہروں میں بھارت کی شہر دہلی اور کولکتہ بھی شامل رہے۔ یو ایس ائر کوالٹی انڈیکس کے مطابق درجہ بندی کے اعتبار سے 151 سے 200 درجے تک آلودگی مضر صحت ہے، 201 سے 300 درجے تک انتہائی مضر صحت جبکہ 301 سے زائد درجہ خطرناک آلودگی کو ظاہر کرتا ہے۔