لاہور(نمائندہ خصوصی+کلچرل رپورٹر)لاہور کے علاقہ سبزہ زار میں سٹیج اداکارہ اقراء کو گولیاں مار دی گئیں۔ سٹیج اداکارہ اقراء کو زخمی حالت میں جناح ہسپتال منتقل کر دیا گیا۔واقعہ کی اطلاع ملتے پولیس جائے وقوعہ پر پہنچی اور شواہد اکٹھے کئے،پولیس حکام کی جانب سے بتایا گیا کہ اقراء اپنے دیور ثمران شہزاد کے ساتھ موٹر سائیکل پر جا رہی تھی جب ملزموں نے فائرنگ کردی۔ سٹیج اداکارہ نے پولیس کو بیان دیا ہے کہ تھیٹر مالک نے اپنے 3 نامعلوم ساتھیوں کے ہمراہ آکر مجھے اپنی فائرنگ کا نشانہ بنایا ہے۔پولیس کے مطابق اقراء کی ٹانگ میں گولی لگی ہے تاہم اس کی حالت خطرے سے باہر ہے۔ملزمان کی تلاش کے لئے چھاپے مارے جارہے ہیں۔