میانوالی (نامہ نگار) شہید لانس نائیک پاک آرمی محمد طارق کی نمازجنازہ اداکردی گئی۔ شہید پور ے فوجی اعزازکیساتھ آبائی قبرستان میں سپردخاک فضا اللہ اکبر اور پاک آرمی زندہ باد کے نعروں سے گونجتی رہی۔ واں بھچراں کے رہائشی پاک فوج کے جوان لانس نائیک محمد طارق ولد محمد صادق مرحوم کی نمازجنازہ ادا کر دی گئی۔ پاک آرمی کے دستے کی شرکت۔ تفصیلات کی مطابق شہید محمد طارق کل آزاد کشمیر میں لائن آف کنٹرول پر بھارتی افواج کیساتھ بہادری کے ساتھ لڑتے ہوئے شہید ہوگئے تھے۔ آج شہید کی قبرپرپاک آرمی کے چاک وچوبند دستے نے جنرل سلامی اور فائرنگ سلامی پیش کی جسکے بعد شہیدکی قبر پر قومی پرچم لہرا دیا گیا۔ شہید کی قبرپرصدر پاکستان۔ چیف آف آرمی سٹاف اور سٹیشن کمانڈر کی طرف سے پھولوں کی رِیتھ چڑھائی گئی۔ شہید نے پسماندگان  دو بیٹے اور ایک بیوہ چھوڑی ہے۔