فیروزوالہ( نامہ نگار) شاہدرہ کے علاقے جیاموسیٰ ، مسلم کالونی ، عنایت پارک اور دیگر ملحقہ آبادیوں میں صفائی کا ناقص انتظام ہو نے کے باعث کوڑا کرکٹ کے جگہ جگہ ڈھیرلگے ہوئے ہیں جس سے شہریوں کو دشواری کا سامنا ہے۔ شہریوں کے مطابق واسا اور راوی ٹائون کا عملہ شہریوں کی شکایات پر توجہ دینے کی بجائے نذرانہ طلب کرنے کا مطالبہ کرتا ہے جس کی وجہ سے علاقہ میں صفائی نہ ہونے کے برابر اور گندگی کے ڈھیر لگنے سے علاقہ میں تعفن پھیلا ہو ا ہے۔