مریم نواز 27دسمبر کو بے نظیر بھٹو کی برسی کے اجتماع میں شرکت کریں گی
اسلام آباد (وقائع نگار خصوصی) مسلم لیگ (ن)کی نائب صدر مریم نواز 27دسمبر کو بے نظیر بھٹو کی برسی کے اجتماع میں شرکت کریں گی۔ پاکستان پیپلز پارٹی اور مسلم لیگ (ن)کے درمیان فاصلے کم ہو رہے ہیں جس کے نتیجے میں سیاسی تاریخ میں پہلی بار مسلم لیگ (ن)کی اعلیٰ قیادتگڑھی خدا بخش جائے گی ۔پاکستان پیپلز پارٹی کے چیئرمین بلاول بھٹو زرداری نے مریم نواز کو اپنی والدہ بے نظیر بھٹو کی برسی کی تقریب میں شرکت کے لیے گڑھی خدا بخش آنے کی دعوت دی، جس کا انہوں نے مثبت دیا مریم نواز 25دسمبر کو کراچی پہنچیں گی، جہاں سے وہ لاڑکانہ روانہ ہوں گی۔دوسری جانب نواز شریف کے ترجمان محمد زبیر نے تصدیق کردی ہے کہ بے نظیر بھٹو کی برسی پرمریم نواز گڑھی خدابخش جائیں گی۔
