بلاول کو شہباز شریف سے ملاقات کی اجازت‘ آج کوٹ لکھپت جیل میں ملیں گے
اسلام آباد (وقائع نگار خصوصی) وفاقی حکومت نے جیل میں قید اپوزیشن لیڈر قومی اسمبلی سے ملاقات کی اجازت دے دی۔ بلاول بھٹو زرداری آج (منگل) شہباز شریف سے کوٹ لکھپت جیل میں ملاقات کریں گے۔ جہاں وہ شہباز شریف سے ان کی والدہ بیگم شمیم اختر کے انتقال پر اظہار تعزیت کرینگے۔ پیپلز پارٹی کے رہنما قمر زمان کائرہ نے بلاول بھٹوکی آمد سے متعلق سپرنٹنڈنٹ جیل کوخط لکھ دیا ہے۔ اس موقع پر بلاول بھٹو کے ہمراہ شیری رحمان، راجہ پرویز اشرف اور قمر زمان کائرہ بھی ہونگے۔ دونوں رہنمائوں کے درمیان ملاقات دوپہر دو بجے سے شام پانچ بجے کے درمیان ہوگی۔
