زیورخ (نوائے وقت رپورٹ) فٹبال کی عالمی تنظیم فیفا ایوارڈز کی ورچوئل تقریب زیورخ میں منعقد ہوئی جس میں سال کے بہترین مرد اور خاتون فٹبالر کا اعلان کر دیا گیا۔ سال کی بہترین خاتون کھلاڑی کا ایوارڈ انگلینڈ کی لوی برونز کے نام رہا جبکہ پولینڈ کے رابرٹ لیونڈوسکی سال کے بہترین مرد فٹبالر کو قرار دیا گیا۔ لیونڈوسکی جرمنی کے کلب بائرن میونخ کی بھی نمائندگی کرتے ہیں۔ بہترین فٹبالر کی دوڑ میں لیونڈوسکی نے میسی اور رونالڈو کو پیچھے چھوڑ دیا۔ فیفا ایوارڈز میں سال کے بہترین کھلاڑیوں پر مشتمل ورلڈ الیون کا بھی اعلان کر دیا گیا۔ ورلڈ الیون میں لیونل میسی‘ کرسٹیانو رونالڈو ‘ لیونڈوسکی شامل ہیں۔ انگلش کلب لیورپول کے کوچ پرگین سال کے بہترین مرد کوچ اور نیدرلینڈ کی وومین فٹبال ٹیم کی کوچ میرینا سال کی بہترین خاتون کوچ قرار پائیں۔