لاہور(سپورٹس رپورٹر) اوٹی سی لاہور چیلنج کپ ون ڈے کلب کرکٹ ٹورنامنٹ کے لیگ مرحلے میں لاہور یونائیٹڈ نے ٹائون شپ گرین کو آٹھ وکٹوں سے شکست دے کر ٹورنامنٹ سے باہر کر دیا۔ لاہور یونائیٹڈ کی دعوت پر پہلے کھیلتے ہوئے ٹائون شپ گرین کی ٹیم  78 رنز بناکر آئوٹ ہو گئی۔ چوہدری رمضان علی اور محمد آصف 17،17رنز بناکر نمایاں رہے۔ لاہور یونائیٹڈ کے مامون ریاض اور حافظ سلمان نے تین تین کھلاڑیوں کو آئوٹ کیا۔ جواب میں لاہور یونائیٹڈ نے دو وکٹوں کے نقصان پر 79 رنز بناکر میچ میں کامیابی حاصل کر لی۔ احمد سلطان 28، زوہیب امانت 22 اور مامون ریاض 19رنزبناکر نمایاں رہے۔ میچ کے اختتام پر مامون ریاض کو مین آف دی میچ قرار دیا گیا۔