بلاول کی اختر مینگل سے ملاقات، جلسے میں شرکت کی دعوت
اسلام آباد (نمائندہ خصوصی) بلاول بھٹو زرداری نے کراچی میں بلوچستان نیشنل پارٹی کے چیئرمین سردار اختر مینگل کی رہائش گاہ پر ان سے ملاقات کی۔ چئیرمین بلاول بھٹو زرداری اور سردار اختر مینگل کے درمیان ملکی سیاسی صورت حال پر تبادلہ خیال کیا گیا۔بلاول بھٹو زرداری اور سردار اختر مینگل کے درمیان پاکستان ڈیموکریٹک موومنٹ کی حکومت مخالف تحریک کے اقدامات بھی موضوع گفتگو رہے، انہوں نے سردار اختر مینگل کو شہید محترمہ بے نظیر بھٹو کے یوم شہادت پر گڑھی خدا بخش میں ہونے والے جلسے میں شرکت کی دعوت دی۔ بلوچستان کی سیاسی و سماجی صورت حال پر بھی بات چیت کی۔ چیئرمین بلاول نے کہا کہ پیپلزپارٹی نے بلوچستان کو حقوق کی فراہمی کے سلسلے کا آغاز کیا۔ بلوچستان کی محرومیاں دور کئے بغیر پاکستان کی ترقی ممکن نہیں۔ بلوچستان کے وسائل پر سب سے پہلے بلوچ عوام کا حق ہے۔
