سا ہیوال (نمائندہ نوائے وقت) گلشن علی ہائوسنگ کالونی میں دل ہلا دینے والی مسجد میں قتل کی واردات نمازی کو قتل کر دیا گیا۔ تفصیلات کے مطابق مغرب کے وقت گلشن علی ہائوسنگ کالونی کی مسجد میں ایک47سالہ محنت کش صوفی محمد حسن نماز ادا کر رہا تھا کہ اس دوران دو سفاک قاتل مسجد میںدا خل ہوئے ۔ اسکا گلا کاٹا، اسکی آنکھیں نکال دیں اور ناک بھی کاٹ دیا۔ صوفی محمد حسن نے تڑپ تڑپ کر موقع پر جان دے دی لیکن کوئی اس کی مدد کو نہ آیا۔ امام مسجد بھی مو قع سے فرار ہو گیا۔ پولیس تھانہ غلہ منڈی نے مو قع پر پہنچ کر تفتیش شروع کر دی ہے۔