کراچی (نوائے وقت رپورٹ) سندھ اسمبلی کے باہر اپوزیشن  رہنماؤں نے میڈیا سے بات کی۔ خواجہ اظہار الحسن نے کہا کہ پیپلز پارٹی  وکٹ کے دونوں جانب کھیل رہی ہے اور عوام کو بے وقوف بنا رہی ہے۔ پیپلز پارٹی 5 سال پہلے (ن) لیگ پر لوڈ شیڈنگ  پر تنقید کر رہی تھی۔ پیپلز پارٹی اور ن لیگ بجلی، گیس بحران کے ذمہ دار ہیں۔ پیپلز پارٹی نے لاڑکانہ کو مونجوداڑو اور کراچی کو ہڑپہ بنا دیا۔ کراچی کو برباد کرنے کا سہرا پیپلز پارٹی کے سر ہے۔ فردوس شمیم نقوی نے کہا کہ پیپلز پارٹی جمہوری روایات کو پامال کر رہی ہے۔ سندھ حکومت پیسے بنانے میں لگی ہوئی ہے۔