مریم نواز 26دسمبر کو سکھر کنونشن سے خطاب 27 کو بینظیر کی برسی میں شرکت کرینگی
اسلام آباد (وقائع نگار خصوصی) مریم نواز نے بے نظیر بھٹو کی برسی سے متعلق بلاول بھٹو کی دعوت قبول کر لی ہے۔ مریم نواز بلاول بھٹو کی دعوت پر بینظیر بھٹو کی برسی کی تقریبات میں شرکت کریں گی۔ مسلم لیگ (ن) سندھ نے مریم نواز کے دورہ سندھ کو حتمی شکل دے دی ہے۔ ذرائع کے مطابق مریم نواز 26 دسمبر کو سکھر پہنچیں گی۔ جہاں وہ مسلم لیگ (ن)کے ورکرز کنونشن سے خطاب کریں گی۔ 27دسمبر کو نائب صدر مسلم لیگ (ن) مریم نواز لاڑکانہ جائیں گی۔
