لاہور (سپورٹس رپورٹر) ڈار ہاکی اکیڈمی اور پنجاب سپورٹس بورڈ کے زیراہتمام ہائی ٹیک انڈر 17 ہاکی ٹورنامنٹ  کے دوسرے روز ڈار ہاکی اکیڈمی اور طاہر زمان ہاکی اکیڈمی نے اپنے اپنے میچز جیت لیے۔ ڈار ہاکی اکیڈمی نے چار صفر سے کامیابی اپنے نام کی۔  دوسرے میچ میں طاہر زمان ہاکی اکیڈمی نے فیاض اکیڈمی کو 3-2 سے ہرایا۔ طاہر زمان ہاکی اکیڈمی کی طرف سے نوخیر احمد، اذان عباس اور یاسر انور نے ایک ایک گول کیا۔ جبکہ فیاض اکیڈمی کی طرف سے بشارت علی اور محمد احمد نے گول سکور کیے۔ اس میچ میں طاہر زمان اکیڈمی کے اذان عباس کو مین آف دی میچ کا ایوارڈ دیا گیا۔