لاہور (نامہ نگار) لاہور کے مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا ہے۔ تفصیلات کے مطابق ڈاکوؤں نے متعدد علاقوں کے گھروں میں غازی آباد کے علا قہ میں 4لا کھ75ہزار، گرین ٹاؤن کے علا قہ میں 3 لاکھ 40 ہزار، ڈیفنس سی کے علا قے میں 2لاکھ 70 ہزار، کاہنہ کے علا قہ میں 2 لاکھ 30 ہزار، راوی روڈ کے علاقہ میں ایک لاکھ 80 ہزار، وحدت کالونی کے علا قہ میں ایک لاکھ 55 ہزار، شاد باغ کے علا قہ میں بھی ایک لاکھ 30 ہزار روپے مالیت کی نقدی، طلائی زیورات اور سامان لوٹ لیا۔ چوروں نے ڈیفنس اے، ہنجر وال اورباٹا پور میں سے گاڑیاں جبکہ مستی گیٹ، جوہر ٹاؤن، ماڈل ٹاؤن، غالب مارکیٹ اورستوکتلہ میں سے موٹرسائیکلیں چوری کرلی ہیں۔