لاہور(سپورٹس رپورٹر+نمائندہ سپورٹس) مینز ایشین ہاکی چیمپئنز ٹرافی کا چھٹا ایڈیشن آئندہ سال 11 مارچ سے بنگلہ دیش کے دارالحکومت ڈھاکہ میں شروع ہوگا۔ چھ مختلف ممالک کی ٹیمیں ٹائٹل کے حصول کیلئے پنجہ آزمائی کریں گی جن میں میزبان بنگلہ دیش، پاکستان، جاپان، ملائیشیا، بھارت اورجنوبی کوریا کی ٹیمیں شامل ہیں۔پاکستان اور بھارت کی ٹیموں کے درمیان 13 مارچ کو مقابلہ ہوگا۔پاکستان ٹورنامنٹ کے پہلے ہی دن 11 مارچ کو کوریا کیخلاف میچ سے اپنی مہم کا آغاز کریگا۔ پاکستان کا دوسرا میچ ملائیشیا‘ تیسرا میچ بھارت‘ چوتھا میچ جاپان اور پانچواں بنگلہ دیش کیخلاف ہوگا۔پاکستان کا روایتی حریف بھارت کیساتھ میچ 13 مارچ کو ہوگا۔ تمام گروپ میچز 16 مارچ تک کھیلے جائیں گے۔ 18 مارچ کو دونوں سیمی فائنل میچ جبکہ فائنل میچ 18 مارچ کو ہوگا۔