ایم ڈی پیف کا کردار قابل ستائش ہے: شیخ ارشد اٹارا
لاہور (پ ر) پروگریسو پرائیویٹ سکولز ایسوسی ایشن کے مرکزی رہنماؤں مزمل اقبال صدیقی شیخ ارشد اٹارا محمد صادق صدیقی اجمل اشفاق میاں محمد اسحاق حاجی منیر سرمحمد ندیم سید علی عمران نقوی سید نصرت عباس شاہ احسان اللہ حسینی محمد رضوان اور امتیاز شاہین دیگر نے پیف پارٹنرز کے گزشتہ اڑھائی سال سے دیرینہ مسائل حل کرنے پر چیئرمین پیف سردار آفتاب ایم ڈی پیف اسد نعیم سے اظہار تشکر کرتے ہوئے کہا ہے کہ ان افسروں کی ذاتی دلحسپی سے پارٹنرز کافی حد تک مسائل حل ہوئے ہیں اور پارٹنرز کے بقایا جات بڑی تیزی سے مرحلہ وار ادا کئے جا رہے ہیں جو قابل ستائش ہیں ان رہنماؤں کا مزید کہنا تھا کہ ان افسروں نے پیف کو برباد ہونے سے بچا لیا ہے انہوں نے کہا کہ بے شک ابھی بھی بہت سارے مسائل زیر التواء ہیں لیکن ہم پرامید ہیں کہ وہ مستقبل میں بھی پارٹنرز کے باقی ماندہ مسائل حل کریں گے حکومت پرائیویٹ سکولز کی فی الفور کھولے تاکہ تعلیم کا سلسلہ جاری رہ سکے۔
