پھول نگر‘سا ہیوال‘ سرائے مغل  ( نامہ نگار+ نمائندہ نوائے وقت) شادی شدہ خاتون سے زبردستی زیادتی کرنیوالا زمیندارگرفتارکر لیا گیا۔ نواحی گائوں بھونی میں واقعات کے مطابق محمد پناہ کمیرکی خاتون بہن کے گھر بر کت ٹائون ساہیوال آئی ہوئی تھی‘ بہن کی حادثہ میں زخمی ہونے کی غلط اطلاع دے کرخضر سگھلہ اسے نا معلوم مقام پر جھونپڑی میں لے گیا‘ جہاں  اپنے دو ساتھیوں کی مدد سے اسے ہوس کا نشانہ بنایا ۔شور اس پر تشدد بھی کیا۔پولیس بہادر شاہ نے میڈیکل لیگل رپورٹ کے بعد خضر سگھلہ کے خلاف مقدمہ درج کر کے اور ملزم کو گرفتار کر لیا۔  پھولنگر سے نامہ نگار کے مطابق سرائے مغل میں ایک ماہ کے دوران بچیوں کے ساتھ زیادتی کے 6 واقعات ہوئے۔ ملزمان کی عدم گرفتاری کے خلاف شہریوں نے احتجاج کیا۔ ٹائر جلا کر  مظاہرین نے مین روڈ بلاک کر دی۔ مبینہ طور پر ملزم بچیوں کو چیز اور کھلونے کا لالچ دیکر زیادتی کا نشانہ بناتا تھا۔ ڈی پی او کی  تشکیل کردہ ٹیم نے ملزم کو سی سی ٹی وی فوٹیج کی مدد سے حراست میں لے لیا ہے۔ جس پر شہریوں نے احتجاج ختم کر دیا۔ قصور سے نمائندہ نوائے وقت کے مطابق صدر دیوان روڈ قصور میں اوباش نوجوان ساجد نے شادی شدہ خاتون کو کرائے کی دکھانے کے بہانے زیادتی کا نشانہ بنا دیا بائی پاس پتوکی میں شعبان نے نادرا دفتر جانے والی خاتون کو ورغلا کر ایک ویران پٹرول پمپ پر زیادتی کا نشانہ بنا دیا ۔