لندن(اے پی پی )برطانیہ سے امریکہ کی طرف سفر کرنے والے افراد کو امریکہ میں داخلے کے لیے کرونا ٹیسٹ رپورٹ دکھانا ہو گی اور یہ بھی ضروری ہے کہ اس کا نتیجہ منفی ہو۔ امریکی سینٹر فار ڈیزیز کنٹرول اینڈ پریونشن نے اس بارے میں اعلان کیا کہ امریکہ کی طرف جانے والی پرواز پر چڑھنے سے قبل یہ ٹیسٹ دکھانا ہو گا۔ اس ہدایت پر کل پیر سے عملدرآمد شروع ہو جائے گا۔ مسافروں کو پرواز سے تین دن قبل کے اندر اندر ٹیسٹ کرا کے پرواز کے وقت اس کی نیگیٹیو رپورٹ پیش کرنا ہو گی۔