بلاول کا پی ڈی ایم قائدین کو ظہرانہ اور عشائیہ
لاڑکانہ (نامہ نگاران+ نوائے وقت رپورٹ) پاکستان مسلم لیگ ن کا 9 رکنی وفد مرکزی نائب صدر مریم نواز کی قیادت میں نوڈیرو پہنچا تو پی پی کے چیئرمین بلاول بھٹو زرداری، آصفہ بھٹو زرداری، فریال تالپور اور سینیٹر شیری رحمان نے استقبال کیا۔ گڑھی خدا بخش بھٹو میں مزار کے احاطے میں وسیع سٹیج سجایا گیا تھا۔ 100 فٹ چوڑے اور 40 فٹ اونچے بڑے سٹیج پر جدید ایل ای ڈی سکرین بھی نصب کی گئی تھی۔ بلاول بھٹو زرداری نے پی ڈی ایم کے قائدین کے اعزاز میں ظہرانہ دیا۔ جس میں مریم نواز، سردار اختر مینگل اور محمود خان اچکزئی و دیگر قائدین نے شرکت کی۔ جلسے کے بعد بلاول بھٹو زرداری نے پی ڈی ایم رہنماؤں کے اعزاز میں عشائیہ بھی دیا۔
