لاہور(سپورٹس رپورٹر)سابق کپتان پاکستان ہاکی ٹیم، اولمپئین حسن سردار کا کہنا ہے کہ کھلاڑیوں کی طرح ہمارے کوچز بھی ورلڈ کلاس نہیں رہے۔اولمپیئن حسن سردار نے کہا ہے کہ بہترین غیر ملکی کوچز اور ٹرینرز لینا وقت کی ضرورت ہے، غیرملکی کھلاڑی اور ان کے کوچ بھی اچھے ہو گئے۔حسن سردار نے کہا ہے کہ تعلیمی اداروں میں ہاکی ختم ہونے سے قومی کھیل کا زوال کا شکار ہوا، مراعات ملیں گی تو بچے ہاکی کی طرف آئیں گے۔انہوں نے مزید کہا کہ تعلیمی اداروں میں سہولیات دیں گے تو کھیل میں بہتری آئے گی۔